بيقنعنا بمشاكل مش موجودة
و بيتكلم و هو بيلعب فى السكسوكة
و يقول ثورتنا من الاعداء مرصودة
و إن المواجهة حاجة غير مطلوبة
و أنه بالرغم من إمكانيتنا المعدودة
عايشين فى احلام غير محدودة
و ده قدرنا ان مصر بالاحزان موعودة
لا - وانت مش صادق - دى محسودة
على مزاياها الغير محدودة
كل دعاويك مردودة
إحنا إمكانياتنا كانت مهدورة
و كل احلامنا مكبوتة
و على أنفاسنا الخونة محطوطة
و احرارنا فى السجن إيديهم مربوطة
و علمائنا برة البلد مطرودة
لكن بثورتنا و أخلاقنا المحمودة
هنفتح السكك المسدودة
و عارفين أن كلامك حاجة مقصودة
تحبطنا و تخلى نفسنا مصدودة
علشان نتخلى عن مطالبنا المشروعة
و نفضل راضيين بالعيشة المرفوضة
يابو حكاوى كلها ملتوتة
عمر ما كانت الاحزان مكتوبة
مش هنسيبك تاكل فى دماغنا زى الدودة
و مصر دى زى الست الستوتة
اولادها تموت ولا إنها تبقى ملطوطة
يقعوا و هى تفضل مسنودة
إمضاء : نصر الدين أبوطالب
No comments:
Post a Comment