أنا قلت أكتب شوية أشعار
أحذر فيها من الثعلب المكار
صاحب الاموال و العقار
جمعهم بطرق كلها أسرار
يعنى .. بتفاهم مع ورثة
"الاحرار"
بعد الثورة خاف من اللى صار
و ما عرفش يوصل للمطار
طمن نفسه و قال انا ابن كار
ايه يعنى شوية ثوار
انا واد حرك و شطور
همى البلد و الدستور
و هادافع عنهم فى كل منشور
و الحقيقة :كل همه إن المستور
ما يبانش و لو قطعنا احنا بساطور
سالوه ايه الاخبار؟
قال : منظور... بس.. منصور
و قعد يلف بينا و يدور
اوعوا تامنوا للثعلب المكار
استاذ الغش و الاستحمار
لكن سنة ربنا القادر
ان لازم يكشف كل انسان غادر
مهما طال الزمان و كان فاكر
انه هيضحك على الخلق و يكابر
No comments:
Post a Comment