ساب المصرية و إتجوز واحدة أجنبية
دخل مزاجه إن المدام ست رياضية
أخر شياكة و حاجة مية مية
لكن العشرة بينت الطباع الحقيقية
ميزانية "الشياكة" طيرت الماهية
و لو قال: خفى على او المكياج تقيل شوية
ترد: و بعدهالك ... جرى ايه يا عنية
دا انا ست قوية و لا انت فاكرنى هفية
دا انت ملزوم تجيبلى علشان اعمل عملية
التكبير و التصغير بيتكلف شئ و شوية
و انا لازم ابقى حلوة و اعجب الناس المعدية
ساعتها هتحس بالخيبة القوية
و تفكر : كان مالها المصرية
جمالها طبيعى مش نتيجة عملية
كان ايه جرى لى هو عقلى ملوخية
اسيب بنت بلدى و اتجوز اجنبية
راضية بى حتى لو مفيش ماهية
بتتعب علشان تعملى لقمة طرية
و تسمع الكلام مش ضعف شخصية
لكن رأفة و ذوق وكتر حنية
أسيب واحدة بتحبنى و حاطة املها علية
و اروح اتخم فى واحدة مش متغطية
أخر اهتماماتها الشئون المنزلية
فاهمة الجواز تسلية مش مسئولية
أه يا أعداء الحياة الزوجية
ياللى نصحتونى بالاجنبية
هاسيبها و اروح أتجوز مصرية
حتى لو كانت مش رياضية
كفاية انها بتخاف عليه
وبتموت فى دبايب رجلية
و بتنيمنى نومة هنية
مش اللى واخدانى مطية
لاغراضها الدنيوية
و ما لهاش فى التعاليم الدينية
ومن كتر العصبية منكدة عليه
و بتخلينى أجرى ورا النبطشية الليلية
1 comment:
بصراحه روووعه يا استاذ نصر .. تسلم الأيادى.
Post a Comment