الســادة "الافـاضل": نـجـوم الإعــــلام
ضـيـوف البـرامج .. أصحاب الاقــــلام
ورثــة "جـنرالات القهـــاوى" العــظــام
***
نازلين تحليلات عـن الحــرب و الســــــــلام
عن الجيش و الشعب .. و القرب و الخصام
و كمــان بالـــمرة .. عن الحـب و الغـــــرام
***
مرتزقة الســـــياســــة .. زراع الألــغـــــــــام
خدماتهم جاهزة فى كل عهد و نظــــــــــــــام
ممكن يخلوك من النخبة و يزقوك للامــــــــام
او تكون "القائد" صاحب الخطط التمـــــــــام
و مافيش مانــع "زعيم" الفكر و الالــــــهام
و كــله على حســب التمويــل و الإســـــــهـام
تحت شعار "أبجنى تجدنى" أحقق لك الاحـلام
***
إللى يعارضهم ..."هلفوت" مش قد المقام
او "خــايــن" مـطلــوب لـــه الإعــــــــدام
وإن زود .. "كافر" لا يجوز عليه السلام
***
و ده وزير "بيهرتل" عايش فى الاوهام
لكن ده "دماغه زينا" يستحق الإكرام
و الامن و الامان لمن يسمع الكــــــــلام
و للرأى الاخـــر ســــيـف الاتــهــــــام
****
يا ريت تعتقونا لاحسن جالنا انفصام
من كــتـر ما "نورتونا" عيشنا فى ظلام
يـتـوب علينا من أهــل صــــنعة الكلام
أدعـيــاء العــلم .. مــروجي الاوهــــام
و ده راى فــــيــــكم و بـــدون إحــتـــرام
No comments:
Post a Comment