نمت نومة تقيلة بعد أكلة فطير
حلمت انى فيها اترشحت وزير
يا واد يا واد على المنصب الكبير
اخيرا هتجيلى فرصة للتغيير
و اخطط و اسوى من الخير كتير
هى دى فايدة المنصب الخطير
قابلونى و قالولى اسمع بقى يا صغير
مرفوض الاجتهاد فى التفكير
و ابتعد تماما عن افكار التنوير
مطلوب منك الامضاء زى الزير
و القعدة بإنتفاخ فى جلسات التصوير
مهمتك انك تقوم بالتأشير
موافق طبقا لتعليمات الامير
و إن عصيت و عملت فيها شاطر
أنت عارف فين طريق القناطر
قلت اية : موافق ؟ و لا تفضل غفير
قلت اعوذ بالله العلى القدير
انى اقبل منصب حقير
دا انا واحد من ثوار التحرير
اكلها بدقة و اعيش أجير
و لا ابيع ضميرى علشان معاش وزير
عنها و صحيت لما وقعت من السرير
قلت احمدك يارب يا كبير
ان ما حدش هيرشحنى وزير
حب الرياسة يا ناس خطر
يعمى البصيرة و البصر
إمضاء : نصر الدين أبوطالب
No comments:
Post a Comment