الدرر المحفوره فى روائع ماكتب على التوك توك والمقطوره

الدرر المحفوره فى روائع ماكتب على التوك توك والمقطوره
================================

-عايز تعيش ..... متعدينش

-تركب ادلعك ......... تنزل ادفعك

-احــسدوني........ لما اسد ديوني

- رافعه حاجبها........ ومحدش عجبها

- الحلوه لما تتدلع .......تخلي الاسفلت يولع

- مطلوب....... آنسه للعمل

-لو باض الديك...... برضه مش هعديك

-لو لسه زعلان ...... البحر مليان

-سلام يا بلد ....... الكلام

- الرجوله ملهاش ..... قطع غيار

-3 عجلات برفارفهم...... نازلين يجيبو مصاريفهم

-حبيتها و اعدنا نلوك لوك....و اتاريها طمعانة فى التوك توك

- صاحبك اللى خانك زى دخانك ..... بفلوسك تشترية وبرجلك تطفية

-تركب تسلينى...تنزل تبكينى

-رجاء للتريلات الوحوش...هدوا و انتو جنبى عشان مانطيروش

-الدنيا بالمال........والاخره بالاعمال

-المستحيل كلمه العويل

- كشكشها لا المسمار ينتشها

-الحب فى القــــــــــــــلب زى عضة الكلـــــــــــــــــــــب

- عاملالى استايل وشيلالى موبايل

- صغير بس يحير

- صفى النية لا تلبس قضية

-التوك توك من لحم كتافى ... فاضل شمسية و ابقى قذافى

العساس المحتاس

  الاسم عباس  و الفعل محتاس

من يوم ما  مشى من غير حماس

و إدعى ان كلامه للحق نبراس

و صاحب  النتن عديم الاحساس

و بقى بيفتى فى الشرع و القياس

و هو بيضرب  أخماس فى اسداس

السلام هو ان احنى للعدو الراس

و يجوز شرب الخمر مادام من كاس

و اهم شئ هو اعتراف من  الناس

بدولة  على الورق من غير اساس

 مش مهم ارض مادام  رئيسها عباس

و الشعب يفضل زى ماهو منداس

عباس بقى شغال عند العدو عساس

و للخوف و الاحباط و الياس غراس

حد يبعدنى قبل ما الفظ الانفاس

من ريحة النتن و كلابه  الانجاس

نصر الدين أبوطالب

كان نفسى اقول قلبى معاك

ياللى الهموم راكباك

و الهواجس ملياك

و الوساوس واكلاك

كان نفسى اقول قلبى معاك

لكن دماغك اللى شغلاك

و مسممة حياتك و حياتنا معاك

يا تقطعها مادام تعباك

يا تريحنا من العيشة معاك

 ( نصر الدين أبوطالب )

على جثتى

يا عسكرى واقف بالفرس على جتتى
لا انت البطل ولا انت فتوة حتتى
يوم ما تقول هاخد البلد
هقولك خدها بس على جثتى

 

على جثتى 9/9

 ·

يا عسكري واقف بالفرس على جتتي ..

لا انت البطل ولا انت فتوة حتتي ...

يوم ما تقول هاخد ثورتى ..

هقولك خدها بس على جثتي ..



معايا انت جميل ..

ضدى انت عميل ..

ضحينا بألف شهيد 

ومش هنصبح ابدا عبيد 

والصبح لازم جديد 


يا عسكرى 

زيك زينا ولا انت احسن مننا 

ربك ربنا ولا نقدر نقول اننا 

مش هنسيب دمنا 

يا عسكرى النجيلة 

يا الى اصبحت رزيلة 



يا عسكري واقف بالفرس على جتتي ..

لا انت البطل ولا انت فتوة حتتي ...

يوم ما تقول هاخد ثورتى ...

هقولك خدها بس على جثتي 

الصنية صرخت
و قالت
يا ولادى 

هى ديه رمز بلادى 

عليكو كانت بتاندى 

روح وبلاش تسبها تهاتى 

ممد يا سيدى الفلاح 

ارضك فى التحرير 

تتداوى ليك كل الجراح 

لا تقلى فى الاستاد افراح 

لا تقلى ليالى الجيش ملاح 

شرطة و جيش ..  كلو تقليش 

يا عسكري واقف بالفرس على جتتي ..

لا انت البطل ولا انت فتوة حتتي ...

يوم ما تقول هاخد ثورتى .

هقولك خدها بس على جثتي 


---قلم-----.*:*.إبراهيم عِريف.*:*.----

 

 

نكت : المحشيشين

بيقووولوا الحليب بيدّيك القوة
أشرب ثلاث كوبايات وحاول
تحرك الحيطه مش هتتحرك

|
بس لو شربت سيجارتين حشيش
هتلاقي الحيطة بتتحرك لوحدها

******

 

نكت : عن العلاقات الزوجية

نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا النتائج إلاضراب ..
فقالت الزوجة الفرنسية "أنا قلت لجوزى ميشيل أنا مش هعمل حاجة فى البيت الاسبوع دة كلة" وقالت "أول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى ياحبيبتى".
وقالت الزوجة الانجليزية "أنا قلت لجوزى أنا مش هعمل حاجة خالص فى
البيت الاسبوع ده .. أول يوم مشوفتش حاجة تانى يوم بدا يعمل الاكل تالت يوم عشانى وغدانى برة."
جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش حاجة تانى يوم ماشوفتش حاجة
تالت يوم بدات أشوف شوية بعينى الشمال."

***********

 

--***********

خلال حفل الزواج

...
.
..

سـأل طـفـل صـغـيـر أمـه

لـمـاذا تـلـبـس العـروس فسـتـانـاً أبـيـض؟

فـردت علـيـه الأم , , لأن اليـوم هـو أجمـل يـوم فـي حيـاتـهـا

فـأخـذ الصغـيـر يفـكـر قلـيـلاً ثـم سـألـهـا

ولـمـاذا إذن يـرتـدي العـريس بـدلـة ســوداء

 ********

لماذا سميت الأنثى بهذه الأسماء؟

.
.
.
.

فتاة :
لأنها بتفتي في إللي تعرفه وإللي ماتعرفوش

مدام :
لأنها مداومة على النكد

سيدة :
لأنها دايماً سادّه نفس الراجل عن الحياة

إمرأة :
لأنها ممرمرة عيشة الراجل

حرمه :
لأنها محرّمة الراحة على الراجل

زوجة :
لأنها تزج أنفها في أدق تفاصيل الراجل

نسوه :
عشان بينسّوا الراجل اسمه

الولية :
لأنها تولول عند وفاة الراجل عشان مش هاتلاقي حد تنكد عليه

وأخيراً ..

الجماعة :
لأنها تجمع كل هذه الصفات

 

*****